WAKULIMA wilayani Kyela mkoani Mbeya wametakiwa kuacha
kulima kilimo cha mazoea na badala yake walime kilimo cha kisasa chenye tija
ili wavune mazao mengi yatakayowaondoa katika wimbi la umasikini.
Kauli hiyo imetolewa na aliyekuwa Mbunge wa
Kyela na mkuu wa mkoa wa Mbeya mstaafu John Mwakipesile alipotembelewa na
waandishi wa habari shambani kwake kwa lengo la kujua changamoto zinazowakabili
wakulima.
Mwakipesile amesema kinachosababisha wakulima kuvuna
mazao kidogo ni kutokana na kulima kilimo cha kizamani na upatikanaji duni wa
pembejeo za kilimo hasa mbolea za Ruzuku zinazotolewa na serikali kupitia
mawakala wao
“Serikali kuu imekuwa ikitumia
mabilioni ya shilingi kwa ajili ya kununua mbolea kwa ajili ya kuwasaidia
wakulima lakini tatizo lipo kwenye halmashauri za wilaya ambazo zimeshindwa
kuwachukulia hatua watendaji na wenyeviti wanao chakachua mbolea hizo kwa
kuandika majina hewa badala ya majina halali ya wakulima” alisema Mwakipesile.
Hata hivyo mwakipesile amesema kama hali itaendelea
kuwa hivyo mkulima ataendelea kuteseka kwa kutonufaika na kilimo huku viongozi
wa serikali za mitaa na maafisa watendaji wakiendelea kunufaika pindi zoezi la
mbolea linapoanza.
Post a Comment
Post a Comment