UHARIBIFU WA VYANZO VYA MAJI UNAPUNGUZA UPATIKANAJI MAJI

SERIKALI mkoani Rukwa imesema kuwa upatikanaji wa maji safi na salama katika mkoa huo ni asilimia 50 na kuwa kiwango hicho ni kidogo sana na kuwa hari hiyo imesababishwa na jamii yenyewe kushindwa kuvilinda vyanzo vya maji

Kauli hiyo imetolewa na mkuu wa wilaya Nkasi mkoani Rukwa Idd Hassan Kimanta kwenye kilele cha maadhimisho ya wiki ya maji kimkoa yaliyofanyika wilayani Nkasi ambapo alimwakilisha mkuu wa mkoa Rukwa  ambapo alisema kuwa lengo la serikali ni kutaka kuwa ifikapo  Septemba mwakani upatikanaji wa maji ufikie asilimia 67

Alisema kuwa ili kuyafikia malengo hayo ya serikali kunahitajika mshikamano wa pamoja kati ya serikali na jamii husika kulinda vyanzo hivyo vya maji na kuhakikisha miti haikatwi hovyo katika maeneo yote ambayo kuna hifadhi kubwa ya maji

Mkuu huyo wa wilaya alifafanua kuwa serikali imekuwa ikitumia fedha nyingi katika kutekeleza miradi mbalimbali ya maji kwa kushirikiana na wafadhili ikiwemo benki ya dunia na kuwa miradi hiyo imekuwa ikizoroteshwa na uharibifu wa vyanzo vya maji na kuwa hata kama kutakuwepo na miradi mingi kiasi gani kama vyanzo vya maji havitalindwa ni kazi bure

Pia aliwataka viongozi wa kata ya Chala kuhakikisha kuwa wanausimamia mlima Chala ambacho ni chanzo kikuu cha maji baada ya mlima huo kukumbwa na majanga ya kuchomwa moto kila wakati na kuitaka halmashauri kutunga sheria ndogo za kuwabana wachomaji moto mlima huo ikiwa ni pamoja na kuwafikisha mahakamani watuhumiwa wa vitendo hivyo na kuona wanaadhibiwa

Mhandisi wa maji mkoani Rukwa Emmy George kwa upande wake alidai kuwa licha ya wao kama serikali kujenga miradi mbalimbali ya maji lakini pia wamekua wakiielimisha jamii mambo mbalimbali ya namna ya kuhifadhi vyanzo vya maji,kulipia billi za maji kwa wakati ikiwa ni pamoja na mambo mbalimbali ambayo jamii inatakiwa kuyafanya ili miradi hiyo iweze kuwa ni endelevu

Kaimu katibu tawala wa mkoa Rukwa na ambaye pia ni mtoa huduma za menejimenti ya serikali za mitaa Albinus Mgonya alisema kuwa hamashauri nyingi mkoani Rukwa ziko nyuma sana katika utekelezaji wa miradi mbalimbali ya maji kwa wakati na kuwa sasa umefika wakati wa miradi ya maji kutekelezwa kwa kwa wakati ii wananchib waweze kupata maji kwa wakati kama yalivyo malengo ya serikali

                               Na, Lumemo blog