ASKARI WANNE WAFIKISHWA MAHAKANI KWA KOSA LA MAUAJI

Askari wanne wa kikosi cha 44 KJ cha Jeshi la Wananchi kilichopo Mbalizi Mkoani Mbeya wamesomewa maelezo ya mashahidi 13 dhidi ya kesi ya mauaji ya raia inayowakabili katika mahakama ya wilaya ya Mbeya mbele ya Hakimu Mfawidhi Gilbert Ndeuruo.

Akisoma maelezo hayo Wakili wa Serikali Prosista Paul Minja amesema watuhumiwa hao ni pamoja na Askari mwenye namba MT 101269 Omary Mwinchande[24],MT 101271 Rajab Mussa Hamisi[23],MT 101263[23] Mussa Vuai Hassan na MT 99506 Richard Coster[24]ambapo ilidaiwa kumuua Petro Sanga kwa kutumia kisu Novemba 18 mwaka 2012 majira ya saa tatu usiku.

Imedaiwa katika maelezo kuwa watuhumiwa walitenda kosa hilo kwa nia ya kulipiza kisasi  baada Askari mwezao aitwaye Godfrey Katete kupigwa na raia eneo la DDC Mbalizi ambapo alijeruhiwa vibaya na kulazwa ndipo watuhumiwa hao walimpiga marehemu na kumchoma kisu hadi kufikwa na mauti.

Kosa hilo ni kinyume cha sheria ya makosa ya jinai kifungu cha 199 cha kanuni ya adhabu sura ya 16 iliyofanyiwa marekebisho mwaka 2002

Wakili wa Serikali aliiambia Mahakama kuwa upande wa mashitaka utaleta mashahidi 13 ambao ni pamoja na Rehema John,Bosco Choga,Happy Sanga,MT 100691 Said Malima,MT 62141 SGT Osia,MT 100620 Ramadhan Tofic,Amiri Sanga na Alinani Arden.

Wengine ni pamojaT na Noah Malakesye,Maria Andulile,E 3843 SGT Greyson Askari wa upekuzi,Mkaguzi wa Polisi Wambura na Daktari aliyefanyia uchunguzi mwili wa marehemu.

Aidha Minja amesema kuwa vidhibiti au vielelezo vitakavyowaslishwa kama ushahidi ni pamoja na Taarifa ya Daktari aliyoifanyia uchunguzi maiti ya marehemu Petro Sanga ambaye alikuwa ni mmachinga,Ramani ya eneo,Kisu kimoja na maelezo ya maonyo ya watuhumiwa wote wane wa mauaji.

Hata hivyo washitakiwa watatu wamesema kuwa wanao mashahidi wa upande wao ambao watawaleta mahakamani na mshitakiwa wa kwanza amesema kuwa hana shahidi bali anategemea daftari la zamu kwani anadai kuwa siku ya tukio alikuwa lindoni,ambapo Hakimu amesema maelezo hayo atayatoa Mahakama kuu yeye hana mamlaka ya kusikiliza.

Baada ya kupokea maelezo hayo Hakimu Ndeuruo amesema atapeleka maelezo hayo Mahakama kuu ambapo ndiyo yenye dhamana ya kusikiliza kesi za mauaji kwani mahakama yake haina uwezo wa kusikiliza ambapo aliahidi kuwapa nakala za maelezo ya mashahidi katka kipindi cha muda mfupi ili wapangiwe siku ya kusikilzwa.

Hakimu Gilbert Ndeuruo aliiahirisha kesi hiyo ha

                                                                  (Habari na Ezekiel Kamanga.)